السبت 21 يناير 2017 م - ٢٢ ربيع الثانيI ١٤٣٨ هـ
الرئيسية / أشرعة / الأدب الشعبي

الأدب الشعبي

التأويل

لمّا عـدا الخـول كـنّـه خــيل
حـتّى تعـرّق بـ هـمـلـوله
أنبت بخدّ الصحاري سيل
ومشى على القحط برجوله
والرمـله اللي بـ لون الحـيل
صارت منـاديل مبـلوله
بـرْد وبَـرَد والحـشا سجّـيل
يا بوح .. الأحـلام مقـتوله
قصـايد الشـكّ للتـأويـل
وكل التفـاسيىر مذهـوله
ماهـو بـ قــرآن أو إنـجــيـل
غرييبة الناس يصغوا له !
من عـهد خمـريّة الضلّيل
ولـ شـاعر السيف والدوله
لآخر شطر من قصيدة قيل
فيه الدلالات مجهوله
يشـغل حـكومات بالتـحليل
ويموت ما مات مفعوله !
ما يقطـف الفكر : عـزرائيل
لو كل الأرواح محصوله !
لكـنّ هـابـيل يا قـابيـل
قـدّم قـرابـين مقـبـوله
جـيلٍ يحـمّـل ذنــوبه جــيـل
عن حـزن مـا يقدر يقوله !
يا قلبي اللي همومك نيل
عـنْك المخـاليق مشـغوله
اسهر ولا تضوي القنديل
قضــيّة النـور محـلوله
الصبح عثره بـدرب الليـل
ويطيّح الليـل مـن طوله !!

حمود بن وهقه

————
غــلا راشــــد

لاتَـتـْأخــر ..عســى دربٍ يشـلّك ينقطــع هـالحيــن ويـردّك
كلتنـي هـالثــواني تحفــر بجـوفي حـزنهـا وأنـوكــل معهـا
قبـل مـا أقـول لك مـع السلامـه وأمسـح الدمعات من خدّك
أنـا دمعـي يصبصبنـي عليـك وشـوفتـك مـ الحيـن جايعهـا
تـوكّـل يـا ضيـا عيــنٍ تقــوّي بـك بصــرهــا يـومهــا تلــدّك
تطمّــن لا تحــاتـي دام حـزنـي يحـرس ضلـوعي ويدمعهـا
يـرافَقْــك الحنيـن ووحشــةٍ تـعمـي عيـوني والغـلا عنــدك
أنــا مـوصّيــه لا يـغفــل ثــوانـي عنــك والأكـدار يـمنعـهــا
هــلا بالليـل وضيـوف السهــر والدمــع والأحـزان من يـدّك
تــرى مـا يــرد مـدّات الكـريــم الا اللئيــم وخــاب مـانـعهــا
هــلا بك جـرح يكبـر والثــواني تمــد حـزنــه ليتهـا تمــدّك
هـلا بك دمـع ينحت من قسا شوقـه على أوجاني ويطبعها
أدوّن لك معـانـاتي شعـر وش هـو الشعر لـو كان ما يشـدّك
متـى تكتب حيـاتي فـي سمـا أيامك( غـلا راشـد) وتبدعها
فَضَت هالأرض مـن ضحكة عيونك وإبتسامـة قلبك وودٌك
خـذيت النــاس عنـدك والأمــاكـن تنشـق ظـلالك وتتبعهـا
سحبتْ رْداك نغّصْت الدفا الغارق على حضنـك وأنا أشـدّك
قطعـت أحـلامـي اللي كنت نـاطـرها ..لك الله ليـه تقطعها
تيتٌمـت وتبّـــرأ كـل ضلــع وسـابنـي مقطــوع مــن صــدّك
تسـوّلت الهنــا مـن كـف شـوقــك.. هِـلّ لـي كفّـك ومنبعهـا
تشــرّد هـالفكـر مـا بيـن جـزرك وإعتصـافـة قلبــك ومــدّك
تصـافـق بــه رياحـك.. كـل مـا ثبّت جـذوعـه جـات تقلعهـا
كتبني الشوق في جلد الحزن ليته نقشني وشم في جلدك
يشيّبــك الـزمـن والوشــم يبقـى وافـي لـروحـي وواقعهـا
كفى يا قلبي المتعب وأنا أدري أن الزمن من ساعته ضـدّك
تثيقــل لا تعلّـي شهقتـك أكـثــر وأذاني الـعــذل تـسمـعـهـا
وأنـــا خــابــرْك يـا قلبـي ثقيـــل ومــا تبيــّح للـمــلا ســدّك
لقيـت علــوم حـزنك واصلــه لآخـر مــدى.. والدمع فـرّعهــا
عمـومـاً مـا لك إلا الصبــر يجبـر خاطـرك لـو الحــزن كــدٌك
على الله يحس ذاك اللي رمـى الأحزان في صدرك وينزعها
وْلك وْصـاتي لا تَتْأخر يا عشـقٍ بدّني حـزنـه وعسى بــدّك
كلتنـي هـالثـواني تحفــر بـروحي حـزنهــا وأنـوكـل معهـا
راشد الضاحي

—————————–
الصبح غير

الصبح غير وطلته تفرح النفس
في كل شي وهو حياة لحاله

متميزن ما مرها نشوته بؤس
عطر الورود تعمه وطيب فاله

طيره شدى في لحظة ما بها لبس
باللحن غرد في عذوبة جماله

اوااه من هو مد لأحبابه الخمس
وصافح وحيا صاحبه يوم جاله

الصبح يوم آخر يودع معه الأمس
والصبح عمرٍ ضح بالحب شاله

لو هب نسناسه قبل لافح الشمس
الشمس ما تلقى عتب في مجاله

يا منيتي عيش الصبح فاصلٍ همس
وأهنا بشروقه قبل غثن يناله

سعيد بن خميس الرحبي

______________________

عـــــــز وفخـــــــر

بالأمـس والحـق واكد والـظـنـون ظـنـون
في طـلـعـة الشـمــس مـــا حـدّن يـحـلّـفـنـا
نَعـَـــطّــش القول ليــن يعود كـ العرجــــون
مـــا نجنـــي المجـــد من نخلـــة ســـوالفـــنا
اللي سمع عنّـنــــا يدعي لـــــ خيــــر بطون
ومن شافنــــا فـ المــــلا يدعــــي لـ سالفنــــا
عـــــــزاه مـــــــن هـــو نصانا ما رجع مغبـــون
لـــــــه نجتـهـــــــد بالكـــــــرامـــــــه لو تكلّـــــفنـــا
يْسلـــــــف الميســـــــر المعســـــر يدين العون
مـــــــا هـــــــو عشان التجـــــــارة لو تســـــــلّفنــا
للضيف للجار للمحتاج للمديـــــــون
للأرمـــــــلـــــــه لليتـــــــيـــــــم ومـــــــن يوالفنـــــــا
يصبـــــــح علينا النــهـــــــار وكننّـــــــا قـــــــارون
ويمــــــسّي الليـــــــل واتلفـــنـــــــا الذي لفنـــــــا
عهـــد ومواثيــق للاصحاب حفظ وصون
وبشـــوت عـــــــز وفخـــــــر للي يحـــــــالفنــــــا
ومن خاننـا نحسبـه حسبة بني صهيون
نيـــــران حـــــــرب وغضـــــــب للي يخالفنــا
صـــــغيرنا لعبه النيــــــــــشان والسكتــــــــــون
وكــبـــيـــرنـــا لـلـــعـــلا والـــمـــجـــد خـــلّـــفــــنــا
شجعان يوم الوغى ما نحتمي بحصون
أرواحـــــنـــــا لـــــجــــل عـــــز الـــــدار غـلّـفـــــنـــا
بضلـوع مَـن هـم غـزينـاهـم نصـفّ دعـون
الــلــي جــثــثــهـــم أســــــود الـــبـــرّ عــلّـــفـــنـــا
نوطى الصعايب وكل صعبٍ علينا يهون
ونـــروّض السْــبــع لـــيـــن السْـبـــع يــالــفــنـــا
لداعي الحرب في صدر الجيوش نكون
ولــــ داعـــي الـلــــه مـــــا فـــرضٍ تــخــلّــفـــنــا
حنّــا العـــرب والمكـــارم كنزنـــا المخزون
والحـــمـــد للـــي عـــلـــى الإســـلام ألـــّفـــنـــا
يـالــلـه اســالـك وأمــرك بــيــن كـاف ونـون
الــســتــــر لــلــحــيّ والــجــنــه لـــ تــالــفــنــا

سعيد القوم المشرفي

________

شلال نور …….؟

اليا استعد الهجس في ترتيب اوراق الحضور
يلقاني اول من حضر ان شئت والا انك ابيت
ماهمني قد قلتها من مرها باسم المرور
لو كانت الدعوى كذا قريت والا ما قريت
ياصاحبي لو الصراحه جارحه عند العبور
وشفيك لا انت الي رجع وشفيك لاانت الي مشيت
احيان اجدني في مدى سجاتها شخص معذور
واحيان اجدني مستعد افصح بها بس استحيت
اكتب شعر ماني هنا اعدد اسماء الشهور
ماهوب ذنبي ان لقيت الي بها او ما لقيت
ودك احدر بك معي في وسط غبات البحور
الين يقضي عمقها المحدود لكن ما قضيت
خذ سالفة شاعر ترك للي يسمونه قشور
واخذ بلب السالفه انكان ما تدري / دريت
احيان اوضح مقصدي واحيان مابين السطور
اترك مساحه كافيه للي يدور ما عنيت
الغايه القصيا ترى للشعر اظهار الشعور
اليا اختلج في داخلك احساس غامر وانتخيت
يفزع لك ويستخرج احساسك عبر لحظة سرور
او سيطرة حزن وكأنك به عن دموعك بكيت
ماهو مجرد صفصفة حكيٍ على هيئة شطور
ولاهوب سرد للسوالف كلها كيت ٍ وكيت
من منبعه اخذت لي شي ٍ من الشعر مخبور
ماهو كلام ٍ تدخله صنعه وفن الاتكيت
لعيونها كل القصايد اصبحت شلال نور
ينساب من صدري لها حتى ولو مابه حكيت
ان ما قدر من حبكته تستقبله كل الصدور
والا انه اخلف هقوتي ماجاء على ماني هقيت
يازهرة اشعاري ولا لي فالشعر غيرك زهور
يا اجمل اقداري اذا قلت بوجودك اغتنيت
تعالي اسْمِعك القصيد الي بلا ذرة غرور
مدام قلتي شاعري فيها عن الدنيا اكتفيت
هل فيه احد يفهم مع التحليق احساس الطيور
او يفهم احساسي وانا اكتب فيك لك لو كان بيت
مزيج من اشياء كثيره تختلط كل الامور
في معمعة هجسك اضيعني وانا توني لفيت
مجرد التفكير بك يحتاج له شاعر جسور
يقدر يواكب طاري الفكره اذا فيها طريت
سحر البيان الي نعرفه يشتكي لجلك قصور
وصفت به بس ابتسامتك العجيبه ما انتهيت
رجـّعني لأول مربع لي سنه وانا ادور
كل ما اقول يجيبها ارجع الى حيث ابتديت
على كذا لازم اوقفها هنا والا اثور
على البيان الي عجز لا يرتقي لما ارتقيت

فهد بن محمد

إلى الأعلى