الأحد 22 أكتوبر 2017 م - ٢ صفر ١٤٣٩ هـ
الرئيسية / أشرعة / الأدب الشعبي

الأدب الشعبي

ولا لي … !!

ولا لـــي في ثرى قلبك أبـــد وادي
ولا لــــي في سماك غيوم أو دمعة
تــمــر ولا يجيبك وعـــد ميـعـــادي
و أنا المنساي خلف الليل والشمعة
تعبت أنقشك مثل الوهم ف بلااااادي
و عجزت ألمحك بين السبت و الجمعة
عبث كنت أحسبك من أجمل أعيادي
بعد ما مـرّْ ذِكـرك صرت مـا سمعـــة
عفـــى الله عـن دروبٍ تقفـر بــعــادي
بعـد مـا نجـمـة الوصل إفقدت لــمعة !!
كفاني من غيــابــك بــحّـــة ســـهــادي
بعد ما الليل يخـفي بدااااخلي دمـعة !!

بدر الخروصي

________
لو كنت تدري ..

عقب البطآ إن جيت حياك
آرحب … ولك كفي أمـده
القلب مـ الأحساس قهواك
قبل السـلااام و قبـل آرده
أدري بـأن الشـوق أضنــاك
وتـدري بـأنـي ذقت شـدة
أدري بأنـــك قلــت بنسـاك
و تدري بأن شخصك آوده
لو كنت تدري كيف آهواك
ما كــان بُعدك طـال مُــدة
ما كنت تهمـل قلب أغـلاك
صـابر و صبــره زاد حــده
بحثـت عنْك و صعب ألقـاك
كنّـي هِنــا وأنـتَ فـ جـــدة
عقـب الجفا لآ أقبلت لبــاك
قلـبٍ يحبـك/صــان عهــده

حمود بن ناصر الخميسي

______________
قارب نجاتي

عسانـي مـابتعد لحـظة وقـربـك قارب انجـاتـي
تـخلـد فـي حنا روحـي وشوقي شاطي الابداع
تواخـذنـي دروب الحـب ، اخايلها و هـي تاتـي
ابـي هالـبعـد وتشـدني خيوط الحب كلّي نْزاع
مخـيلـة حـبـك فــ قـلبـي تـرووي قـوع اهاتـي
وتهـطل لـي فــ اشعاري و اغـنيـها بـكـل أنـواع
رسمتك حـلـم فـي قلبي ونـورك خاتم اصفاتي
تشبط حـبـي فـ الامال و سْكن داخـل الأضلاع
تحـقق حـلـمي الـمـرسوم وردة فــي بـدايـاتـي
يامـهـرة مـا عسفها غيـر حـبٍ مـنـي بــ إقـنـاع
اروض حـبك بإحـسـاس مـوزون بــ عـبـاراتـي
ادلـع و احـتضـن طيـفك وادفي خافقي امتاع
تـهـيـج حـبـك فـ قلـبـي وسيـلة داخـل حياتي
اسابق ظـلـي فـ ليله جمالك فيه كـم قـد شـاع
اكـض نفوس هالعالم عـسـى تـشـرق رسالاتي
وتغرب في حنين الحب على دفة بدون شراع

عماد البلوشي
_____________

كلمة مستحيل

ضدك يا كلمة مستحيل
ما لك معي اية مجال
ولو طال دربي ما اميل
متسند …. بقوة جبال
درب التفوق.. لي خليل
ما انقصر .. عنه محال
ولا ابدل … بغيره بديل
قصر زماني.. والا طال
والحمل.. لو اصبح ثقيل
بالعزم … بتهون الثقال
بسري مع الليل الطويل
وباخيم …. فذيك الرمال
لي جوها .. يبري العليل
والبن فايح… … فالدلال
جميل … والمسرا جميل
ويا ما حلا … شد الرحال
بدوان ماضيهم ….. اصيل
وع الرب ….. ينوو لآتكال
ذاك الزمن …. ما له مثيل
لا مستحيل …. ولا محال

‫‏أحمد الوشاحي

__________

من حرضك

من شب نار السهر ياليـل الاشجـان
من حرضك تحرق بجمرك جفوني
أدري تحـب النكـد ياسيـد الاحــزان
وادري بهم حرضوك اللي جفونـي
مالك ومالـي وش اللـي جابـك الآن
لاتسـأل اش كثـر خانتـنـي ظنـونـي
مـرت عليـه وجـوه اشكـال والـوان
لكـن مـا شفـت لــون اشـبـه بلـونـي
عـالـم لـوحـدي بعـالـم دون عـنـوان
ياضيـعـة الـقـوم كـانـوا ضيـعـونـي
عالم لوحدي وانا في الواقـع انسـان
بسـيـط مــن شــان هـــذا مايـبـونـي
الأرض جينـات جغرافـيـة اوطــان
وانا وطن تنبت ارضي من مزوني
أحيان تبكي عيوني واضحك احيان
عـلـي مـنـي واسـامـح مــن بـلـونـي
ماضرنـي لاقضيـت الليـل سـهـران
رهنـت لأجـل الأمـل مقلـة عيـونـي

علي الحسني

إلى الأعلى