الإثنين 23 يناير 2017 م - ٢٤ ربيع الثانيI ١٤٣٨ هـ
الرئيسية / أشرعة / عم بتذكر

عم بتذكر

قاعده وحدي عم بتذكر
أول مرة شفتك فيها
كنت مخربط
كنت معتر
لما شفتك
شي ع لساني
متل السكر
لأ مو سكر
يمكن أحلى
شي خلاني
متل الطفلة
الل بدها حكاية
حتى تغفا
وحتى بعدا تبطل تكبر
أول مرة شفتك فيها
كنت مراية
وكنت خيال
من يوما اتعودت عليك
وكل ما مرق الوقت
بقلبي حبك يكبر
حتى صرت أغلى مني
وحتى سكنت
بيني وبيني
مهما الوقت يقطع فينا
ومهما اتعكر
رح بتضل
متل التلج النازل صافي
بعطر الغيمة
بعدو معطر

سمر شيشكلي
شاعرة واديبة سورية

إلى الأعلى