الإثنين 18 ديسمبر 2017 م - ٢٩ ربيع الأول ١٤٣٩ هـ
الرئيسية / أشرعة / الأدب الشعبي

الأدب الشعبي

شوق والم

محمد الهنائي

في عينها شوق والم في عينها بعض امنيات
في عينها كل الاسى وفي عينها حزن وبريق
تصمت ولا جاد الحكي الا ببعض التمتمات
تشعرك ان بصدرها حرب ومعاناة وشهيق
قالت هلا مسافر؟ نعم جاوبت وحساسي،شتات
قالت متى ترجع لنا قلت الامل بالله عميق
قالت عسى قلت الوعد عندي انا مثل الصلاة
لو كان يغشيني السفر حبلك هنا جدا وثيق
لك ورْد ينضح داخلي في وسط شرياني يبات
يتلحف ضلوعي وانا جدا معه طبعي انيق
وحطت عيوني بعينها وثناثرت كل الجهات
دارت ومع دورنها حسيت روحي تستضيق
سحبت خطاويها بعجل تخفي الدموع النازلات
وانا اموت بوقفتي وارد من موتي افيق
تبعد وعيني تلدها كنها خذت معها الحياة
حتى تلاشا زولها باخر محطات الطريق

______

بعيد المنال

يونس اليحيائي

اشــوف فـيــك اللـي بـعـيـدٍ منـالــه
اشـوفـه اقـرب مـن نـوايـل يـديـنـي
مهمـا يكـون، العلـم ينفـي الجهالـه
ومهما يصير، الصّبر طبع الرزيني
صريـح صدقـك، ردّ كــذب الجمالـه
وكريم اصلـك، صدّ مكر الحصيني
راعـي الحسـد والغـلّ مـالـك ومالــه
يـشـيـنـه اللي قـاصـدٍ بـه يشـيـنـي
لإبليـس مـن بعـض الخلايـق عمـالـه
والعـين حــق وعــوق اهلهــا دفيـنـي
ما يـعـقــد الظـالــم، تحـلّ العـدالــه
وما يظمـر الحاسـد، تبين السنينـي
وانتـي علـى منتـي شمـوخ واصالـه
ولا تـهــزّ الـريــح ســاسٍ مـكـيـنــي
اذا عـطــاك الله؛ (ف) الفــال فالـــه
واذا حَـرمْـــك؛ لحكـمــةٍ صدقـيـنـي
مـن وكّــل الرحـمــان، يرتـاح بـالـــه
ومن حكّــم القرآن، نــال السمينــي
ومن يجبـر العثـرات، مستـور حالــه
ومن يـسمـح الـزلات، قـدره يزيـنــي
يا كـلّ حــظّ اللي رمـوشــك ظـلالــه
مـا عـنـدي الا مـا عـهـدتـيـه فـيـنـي
شـربـت فـيـك الـحـبّ حـدّ الـثّـمـالـه
وقطعـت منـك اليـاس قطـع الوتينـي
لا تـنـشـدي منـهـو تـجـاوب فـعـالــه
مـن قبـل صيحـاتـك فزعـلـك عوينـي
يــشـوف فـيــك اللي تـهـيّــا مـنـالــه
بعـيـون قـلـبــه قبـل لمــس اليـديـنـي

________________

غرام الليل

سعيد بن خميس الرحبي

إن هو تأخر وأبطى طيفها عادي
الليل ما يسبر اغواره سوى مغرم
جيت بغزارة غرام الليل يالوادي
الاشواق نيّام من فرط العشق تحلم
خذت معاها الهنا والحال ومرادي
ومن بعد صمت استوى خَلتّني أتكلم
ودادها في محيطٍ يحضن ودادي
واللي يصافح صباح الحسن ما يسلم
جوّي قبل لا أعيشه هالفصل .. هادي
واليوم شف كيف حالي .. الله يسلّم
كنت اتعشّم لقاها وفيه إسعادي
ما ظنتي هالكمين اللي نصب محكم
وش هي علوم الذي هو شربي وزادي
حالي ظماه البعاد وهوه به يعلم
في بعض الأحيان يصعب ردّه عنادي
وفي وقت مدري معاه يصير يتأقلم
مشاعري واحترازي وحسبة فوادي
ما قاومت هالغرام وأتعب المغرم

__________

فيك الحسن

عماد البلوشي

فيك الحسن شرّع ب زينك و شينك
سبحان من سواك عَ كل الاجناس
شيخة جمال الكون زانت سنينك
عودك خَضَرْ مايل ب خصره و ميّاس
ردفك سَجين الحب وَ أنا رهينك
ما ينوصف بين الخلايق ب مقياس
من شوفتك قلبي تَوَلّعْ ف زينك
ادمنت زولك في حناياي احساس
قيمة هوى قربك و حبّك و لينك
كنّك جنانٍ خلّدة عشق الناس
يا ويل قلبي يوم غيّب ف عينك
ضيّع موازينة وَ اَعْلن الافلاس
و اطلق عجاجة من دفى كف يدينك
لينه رمى حضنه ف حضنك الالنفاس
من استكان القلْبَ عشْت ف دينك
واحيّت نبضي من سَلَّى كل هوجاس

_______________

الكلمة الطيبة

حميد بن سعيد السعدي
احسبها صح من باب تطبيق الاحسان
راجع حساباتك وراجع كلامي
وان كان بك حكمة على مر الازمان
كثر الهرج ما يسقط اعلى حمامي
للكلمة الطيبة ترى كل ميزان
ابشر وانا بمسك بداية زمامي
انسى الذي راح وبعد خل الاحزان
قوم بصدق فكر على اللي امامي
الماضي اللي راح يا سيدي كان
لا تغلط الغلطة اذا الجو حامي
يمكن يضيع الدرب من كلمة لسان
احفظ لسانك يا وريث الكرامي
الوقت هذا سيدي للمجد حان
خلك من الماضي وهذا سلامي
شاعر ولي كلمة ولي صدق برهان
ما ارمي الكلمة وانا عنك رامي
من دون ربعك وقتك اليوم ما زان
لا تسرق الفرحة وخذ لك مرامي
دام الحلم هاليوم يا سيدي بان
اسعى لحلمك والحلم فيك سامي

إلى الأعلى