يستغربون النجاحعبدالله بن سعود الحكمانييسكنّي الشعر لا الارواح تسكنّيوبوادي الناس وانا عنهم ابواديفي بقعه اكلابها السودا يَنَبْحنّيسرجت خيل الشعر من مجمل اجياديواثْقلني العقل والمعقول مكّنّيوتكوّنت عظمتي من عظمي الهادييلين وَسْمي خذا له طابعاً منّيواسْمي بَخَتْمه ضرب مع حاضر وباديحتى عدوّي نبت بالبذر من فنّيوازداد نقد الأدب من فضل حسّادي!بعضا يراني ملاك وبعضهم جنّيحسبي عَلَيْ من بشر تعّبت نقّادي!يستغربون النجاح الجمّ /ماكنّيقمة جبال الشموخ اتغذّي امهادي!هدهد نبيّ الوَلِيْ رحْ قلّهم عنّي(سفّافة الخوص) نكّارة من اجداديتناشدوا بالخفا عن قوم متثّنييوم الغزاوي قبل تستامن ابلاديوان كانوا اجدادي الطَيْبين لكنّياكفر بهم عون واؤمن في تفرّاديمن شفت حولي التواكل حالفٍِ انّي :في صفحة المفخره يكتبني امداديوالشعر فيني يثيره كفّ متجنّييوما أنا بالملأ أعلن عن احياديوالشعر فيني يثيره كفّ متحنّييوما أنا بالملأ اعلن عن احداديواشيا كثيره تثير الشعر وتغنّيموّالها حضرتي وازقر على الحاديعمري سنينه روائع يا حسن ظنّيوتفرّدت بَصْمتي وتفرّد انشاديشاعر زمان ومكان ومن يثمّنّيما دام جلّ الذوايج خانة العادي؟!_________________أدري مقصّرسعيد بن خميس الرحبيأنا رهن وقتي لو انّي تعلّيتلازم يجيني فيوم وقت النهايةأسرح وأمرح ملتهي وشي تمنيتوأشياء كثيرة بخاطري وألف غايةكنّي بْزمن عشته لوحدي به أمشيتدوّنت به ما شيت وحْفظت آيةوكنْ الأمر بيدي أسيسه مثل بيتكل ما ارتفع حيطه يا حظي وغنايهيا سعيد حدّك مو سهل ما تمنيتدونك عليه اللي طلبته الوصايةتريد شي بْدون جهدٍ ولا رْويتنفسك بما يلزم في درب الهدايةواللي بنيته بها العمر والمواقيتحصاد ما يشبع تناهيد حايةيا دنيتي ما كنْ بك بعت وشريتخسران والربح المبهرج دعايةلي اسثقبل أيامه على اللو والليتعليه يقضي العمر يدفع جبايةأدري مقصّر والوفاء مضربه صيتوش هو بيشفع لي بوقت النهاية_________________صمت الصدىأحمد بن سويرح المقباليانفتل خيط البياض و وادع خيوط السوادو الفلاح بصوته الطاهر كسر صمت الصدىو النشور و نشوة المشتاق من بعد السهادكلها آهات تجمع في قفص صدري الحدىعاتب اشواقي و اجرح عاند و زيد العنادبس لا تفارق ترى الفراق طبع اهل الردىالحنين يسولف بأسمك و عنده اعتقادان كثر الصوت بيلاقي من لسانك نداهاضت الاحلام من عيني قبل يوم الحصادلين ما غمت ع رمش العين و الهاجس بدىيجمع أشواقه من الذكرى و يسولف للبلادعن غرام و عن محبٍ راح عن حبه سدىراح لكن شب جنبي و صارت ضلوعي رمادو الضلوع الباقيه م الشوق يا كلها الصداجيت اخلي الشمس ما تقسى ع نسمات البرادو جاتني ف الصبح تتمادى على بيوت الندىو الورق ودع دموعه للثرى بليا عتاديحسب أنه طاح عنه داخل كفوف الهُدىيا مشاعر حبي ان شفتي على قلبي حدادارخي بسمعي ل طيرٍ في وسط اذني شداوين أروح و صورته تعكس على وجهي جمادما عرفته من محبه ولا عرفته من عدىاجتهدت ف حبه و طبع الحياه بالاجتهادو بجتهد في حب غيره بس ما عندي مدى_____________مطار العاصمةالنايف الكعبيمطار العاصمة.. يشبه حكاياتيورحلات الفراق وما جرى فيهامغادر صحبتي.. نفسي.. معاناتيمتاعي حلم في ذاتي/ يواسيهاولو جاعت مع الرحله طموحاتيبتلقى صفحت أمالي ..تغذيهاعلى كتفي حمولي من متاعاتيبقايا ذكريات.. ومحتفظ بيها(ونوته مع قلم) ينسج عباراتيفي حزات الفراغ اللي بيمليهاجلست بزاويه ..وأتخيل اللآتيبحور الشعر ذابت في شواطيهاسما عتمه.. تعبر لي عن/ أشتاتينجمها مات.. من كثرة أمانيهاصحاري الوجد في كل اتجاهاتيوذيب الغدر مونسها ..يعاويهابديت أكتب وحبري دمع آهاتيولكن (نوتتي) ترفض معانيهاوحانت موعد الرحله قبل ياتيهجوس الهايمين ومن يجاريهاوفنجاني تعب من زود رشفاتيوقهواتي تشابه.. ليل داجيهاتركت الطاوله تشرح مجالاتيوأشيائي تناثر في محانيهاتوكلنا على رب السماواتيعلى كف القدر نمشي خطاويهامسافر ما بقالي من مبالاتيسوا غزر الجروح ومن يداويهاعسى في غربتي تشفى جراحاتيتوضح لمن أنا .. اغلب مساويهاوفي غربة فكر ضاقت مساحاتيحنيني للوطن يبقى يواسيهاولو صديت في كل اتجاهاتياشوفك يا وطن تملي نواحيهافمان الله يا أولى بداياتيوبسم الله.. (مرساها ومجريها)________________تقسى!!!حميد بن سعيد السعديلا تطري اسمي لو نطق في لسانكوانا بعد بنسى الذي قد نسانيما عاد ابغي منك حتى حنانكوانا نسيت اني هديتك حنانيتقسى وانا اللي كنت أدور أمانكواليوم كلي اهجرك جيت عانيلا عاد تسأل عن بقايا مكانكما عاد لك فيني وهذا زمانيأسلوبك اللي خان فيني وخانكوش عاد باقي فيك للحب ثانيوين المحبة وين عشرة فلانكوانت الذي تهدم وانا كنت بانيطبعك وشينك للأسف بس شانكوانا كتاب ابيض وكلن قرانيشاعر وشعري يرفعك في زمانكمن قبل ما اكتب يجيك بلسانيخانت حروفي كثرهم بس عشانكوانت الذي ما قد وفى بس عشاني